الزوجة : إنت دايما شايل صورتى معاك و رايح بيها المكتب ...ليه؟ الزوج: لما بلاقى مشكلة مهما كانت معقدة ببص لصورتك ألاقيها اتحلت على طول. الزوجة: شايف أنا أد إيه مهمة بالنسبالك. الزوج: أيوة...ببص فى صورتك و أقول لنفسى " إيه المشكلة اللى ممكن تكون أكبر من دى؟"
سواق تاكسى مصرى بيشتغل فى نيويوك ركب معاه واحد أمريكى الأمريكى:عايز اروح المطار بسرعة الطيارة حتطير بعد دقايق السواق : فى خدمتك حالا حنوصل للمطار مشى السواق بأقصى سرعه , عند أول تقاطع كانت الإشارة حمراء فالسواق ماوقفش و عدى التقاطع زعق الأمريكى : ايه اللى بتهببه ده ؟ رد السواق : ماتقلقش السواق المصرى أمهر السواقين عند تقاطع تانى كانت الإشارة حمراء و مشى السواق بأقصى سرعة زعق الأمريكى : ايه اللى بتهببه ده أنت مجنون ولا ايه ؟ رد السواق : ماتقلقش السواق المصرى أمهر السواقين عند تقاطع تالت كانت الإشارة خضراء . فداس السواق على الفرامل جامد لحد اما وقفت العربية فزعق الأمريكى : الإشارة خضراء ! وقفت ليه ؟؟ رد السواق : يمكن يكون هناك سواق مصرى تانى معدى بالعرض
فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .."